ಕಚೇರಿಗಳಿಗೆ ಬರಲಿದೆ ರೊಬೋ ಸಹಾಯಕ

By Editor
03:53:42 AM / Sun, Jan 21st, 2018

ಮುಂದಿನ ದಿನಗಳಲ್ಲಿ ನಾವು ಮನೆಮನೆಗಳಲ್ಲೂ, ಕಚೇರಿಗಳಲ್ಲೂ ರೋಬೋಗಳನ್ನು ಕಾಣಲಿದ್ದೇವೆ. 'ಹ್ಯೂಮನಾಯ್ಡ್‌'ಗಳು ಎಂದು ಕರೆಯಲ್ಪಡುವ ಇವುಗಳು ಮನುಷ್ಯನ ಶ್ರಮವನ್ನು ಕಡಿಮೆ ಮಾಡಲಿವೆ. ಅಂಥ ಕೆಲವು ಹ್ಯೂಮನಾಯ್ಡ್‌ಗಳ ಬಗ್ಗೆ ಇಲ್ಲಿದೆ ಮಾಹಿತಿ.

ಆಟೋಮೇಷನ್‌ ಬಂದ ಮೇಲೆ, ನಮ್ಮ ಉದ್ಯೋಗಗಳೆಲ್ಲಾ ಯಂತ್ರಗಳ ಪಾಲಾಗಲಿವೆ ಎಂದು ಭಯಪಟ್ಟುಕೊಳ್ಳುತ್ತಿದ್ದೆವು. ಆಟೋಮೇಷನ್‌ ಪ್ರಕ್ರಿಯೆ ನಿರಂತರವಾಗಿ ಎಲ್ಲ ಕಾರ್ಪೊರೇಟ್‌ ಸಂಸ್ಥೆಗಳಲ್ಲೂ ನಡೆದಿದೆ. ಆ ಕುರಿತು ಇರುವ ಭಯವೂ ಮುಂದುವರಿದಿದೆ. ಈಗ ಆಟೋಮೇಷನ್‌ನ ಜೊತೆಗೆ ಇನ್ನೊಂದು ಸಂಗತಿಯೂ ಸೇರಿಕೊಂಡಿದೆ- ಅದು ರೋಬೊಗಳ ಬಳಕೆ. ರೋಬೋಗಳು ಕೂಡ ಆಟೋಮೇಷನ್‌ನ ಒಂದು ಭಾಗವೇ. ಆದರೆ ಬಹಳಷ್ಟು ಮುಂದುವರಿದ ಸನ್ನಿವೇಶವಿದು. ಜಪಾನ್‌, ಕೊರಿಯಾದಂಥ ಟೆಕ್ನಾಲಜಿ ಬಹಳ ಮುಂದುವರಿದ ದೇಶಗಳಲ್ಲಿ ರೋಬೋಗಳ ಬಳಕೆ ಕೂಡ ಸಾಕಷ್ಟು ಮುಂದುವರಿದಿದೆ. ಕಚೇರಿ ಕೆಲಸಗಳಲ್ಲಿ ಇವು ಕಾಣಲು ಲಭ್ಯ. ಭಾರತದಲ್ಲೂ ಇಂಥ ಸನ್ನಿವೇಶವನ್ನು ನಾವು ಕಾಣುವ ದಿನ ದೂರವಿಲ್ಲ.

ರೋಬೋಟ್‌ಗಳು ಎಂದ ಕೂಡಲೆ ನಮ್ಮಲ್ಲಿ ಅನೇಕ ರೋಚಕ ಫ್ಯಾಂಟಸಿಗಳು ಮೂಡುತ್ತವೆ. ಅವುಗಳಲ್ಲಿ ಹೆಚ್ಚಿನದನ್ನು ನಮ್ಮಲ್ಲಿ ಬಿತ್ತಿರುವುದು ಹಾಲಿವುಡ್‌ ಸಿನಿಮಾಗಳು. ಅವುಗಳಲ್ಲೂ ಹೆಚ್ಚಿನವು ರೋಬೋಗಳ ದುರುಳತನದ ಬಗೆಗೇ ಇರುತ್ತವೆ. ಆದರೆ ನಿಜ ಜಗತ್ತಿನಲ್ಲಿ ಇನ್ನೂ ಅಂಥ ಪರಿಸ್ಥಿತಿ ಬಂದಿಲ್ಲ. ರೋಬೋಗಳು ನಮ್ಮ ನಿತ್ಯಬದುಕಿನಲ್ಲಿ ನಮಗೆ ಸಹಾಯ ಮಾಡುವ ಸಹಾಯಕರ, ಮಿತ್ರರ ಪಾತ್ರವನ್ನು ವಹಿಸುತ್ತಿವೆ. ಮನೆಗಳಲ್ಲಿ ಮಾತ್ರವಲ್ಲ, ಕಚೇರಿಗಳಲ್ಲೂ ಕೆಲಸದ ವ್ಯಾಖ್ಯೆಯನ್ನು ಇವು ಬದಲಾಯಿಸುತ್ತಿವೆ. ಇವುಗಳನ್ನು 'ಹ್ಯೂಮನಾಯ್ಡ್‌' ಎನ್ನಲಾಗುತ್ತದೆ. ಹೋಂಡಾ ಕಂಪನಿಯ ಅಸಿಮೋ ಹ್ಯೂಮನಾಯ್ಡ್‌ ಇದಕ್ಕೆ ಉದಾಹರಣೆ. ಜಪಾನ್‌ನ ನರಿಟಾ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಮೊದಲ ಬಾರಿಗೆ ಈ ರೋಬೋವನ್ನು, ಪ್ರವಾಸಿಗರನ್ನು ಸ್ವಾಗತಿಸಲು ನಿಯೋಜಿಸಲಾಯಿತು. ಜನದಟ್ಟಣೆಯ ವ್ಯಾಪಾರಿ ಮಳಿಗೆಗಳಲ್ಲಿ ಗ್ರಾಹಕರನ್ನು ಸರಿಯಾದ ಕಡೆಗೆ ನಿರ್ದೇಶಿಸುವ ಒಂದು ರೋಬೋಟನ್ನೂ ತೋಷಿಬಾ ಕಂಪನಿ ವಿನ್ಯಸಿಸಿದೆ.

ಇವು ಮೊದಲ ನೋಟಕ್ಕೆ ಮನುಷ್ಯರಂತೆ ತೋರದೆ ಇರಬಹುದು; ಆದರೆ ಹೆಚ್ಚುಹೆಚ್ಚಾಗಿ ಇವುಗಳ ಜೊತೆ ಒಡನಾಡಬೇಕಾದ ಅನಿವಾರ‍್ಯತೆ ಮುಂದಿನ ದಿನಗಳಲ್ಲಿ ಉದ್ಯೋಗಿಗಳಿಗೆ ಬರಲಿದೆ. ಅದಕ್ಕೆ ನಾವು ಸಿದ್ಧರಾಗಬೇಕಿದೆ. ಅಂಥ ಕೆಲವು ರೋಬೋಟ್‌ಗಳು ಹಾಗೂ ತಂತ್ರಜ್ಞಾನಗಳ ಬಗ್ಗೆ ತಿಳಿಯೋಣ.

Leave A Comment

   

ಸಾಮಾಜಿಕ

ಕಚೇರಿಗಳಿಗೆ ಬರಲಿದೆ ರೊಬೋ ಸಹಾಯಕ

ಸಾಮಾಜಿಕ

ಕಚೇರಿಗಳಿಗೆ ಬರಲಿದೆ ರೊಬೋ ಸಹಾಯಕ

By Editor
03:53:42 AM / Sun, Jan 21st, 2018
ನೆರವಿಗೆ ಕುಟುಂಬಸ್ಥರಿಂದ ಮನವಿ

ಸಾಮಾಜಿಕ

ಕುಡಿದ ಅಮಲಿನಲ್ಲಿ ಕಾರು ಚಾಲನೆ:
ನ್ಯೂಜಿಲೆಂಡ್‌ನಲ್ಲಿ ಭಾರತೀಯ ವಿದ್ಯಾರ್ಥಿ ಸಾವು
By Editor
03:53:42 AM / Sun, Jan 21st, 2018